कोरोनाका कारण बलिउडलाई ठुलो असर परेको छ । प्रतिक्षित चलचित्रको रिलिज रोकिएको छ । हल बन्द छन् ।
यसै बीच केहि चलचित्र निर्माताले ओटिटी माध्यमबाट पनि चलचित्र रिलिज गर्ने तयारी थालेका छन् । अक्षय कुमार अभिनित ‘लक्ष्मी बम्ब’ र अर्जुन कपूर अभिनित चलचित्र ‘सन्दीप और पिंकी फरार’ अनलाइनमा रिलिज हुदैँछन् ।
नवाजुदीन सिद्दिकी अभिनित चलचित्र ‘घुमकेतु’ ले पनि अनलाइन रिलिजलाई रोजेको छ ।
यसमै शुजित सरकारको निर्देशनमा तयार ‘गुलाबो सिताबो’ पनि अनलाइनमा रिलिज हुने भएको छ । दर्शकले यस चलचित्रलाई अमेजन प्राइममा हेर्न पाउने भएका छन् ।
चलचित्र आउँदो जुन १२ मा अमेजोनमा रिलिज गर्न लागिएको बताइएको छ ।
चलचित्रमा आयुष्मान खुराना, अमिताभ बच्चन लगायतको अभिनय रहेको छ ।
