काठमाडौं । स्वास्थ्यमा केही समस्या भएपछि शिक्षण अस्पताल महाराजगंजमा भर्ना भएका नेकपा अध्यक्ष तथा प्रधानमन्त्री र नेकपाका वरिष्ठ नेता माधवकुमारबीच भेटघाट भएको छ ।
प्रधानमन्त्री तथा नेकपा अध्यक्ष केपी शर्मा ओलीलाई भेट्न अस्पताल पुगेका वरिष्ठ नेता माधवकुमार नेपालले प्रधानमन्त्रीको स्वास्थ्य लाभको कामना गरेका छन् । दुई नेताबीच करिब ४० मेनट कुराकानी भएको छ ।
अस्पताल भर्ना भएका प्रधानमन्त्री ओलीलाई नेकपाका अर्का अध्यक्ष पुष्पकमल दाहाल पनि भेट्न पुगेका थिए ।
मुटुको चासमा समस्या देखिएपछि प्रधानमन्त्री ओलीलाई बिहीबार राति महाराजगञ्जस्थित मनमोहन कार्डियोथोरासिक भास्कुलर तथा ट्रान्सप्लान्ट सेन्टरमा भर्ना गरिएको थियो ।
उनको दोस्रो पटक मिर्गौला प्रत्यारोपण फागुन २१ मा गरिएको थियो ।
