एजेन्सी । दिल्ली प्रहरीमा कार्यरत सहायक आयुक्त (एसिपी) को घरमा फायरिङ गर्ने एक युवालाई त्यहाँको प्रहरीले पक्राउ गरेको छ ।
नोएडा प्रहरीले घटना भएको २४ घण्टाभित्र पुनीत सिसोदियालाई पक्राउ गरेको जनाएको हो ।
उनको साथबाट लाइसेन्ससहितको हतियार समेत बरामद भएको छ ।
प्रहरीसमक्ष उनले टिकटकको लागि भिडियो बनाउने क्रममा फायरिङ गरेको बयान दिएका छन् ।
मार्च ६ को दिन सेक्टर-१३४ स्थित कसमस सोसाइटीमा यो घटना भएको थियो ।
उनले कालो कलरको स्कार्पियोबाट फयरिङ गरेका थिए ।
प्रहरीले उनको साथबाट स्कार्पियो, लाइसेन्ससहतिको रिभल्वर, आइफोन लगायतका सामाग्री बरामद गरेको छ ।
हतियारको साथमा स्टाइलिश फोटो खिच्ने तथा टिकटक भिडियो बनाउने काममा घटनाका आरोपि पुनीत निकै शौखिन थिए ।
