काठमाडौं । नेपाल कम्युनिस्ट पार्टी (नेकपा) संसदीय दलको बैठक बोलाएको छ ।
मंगलबार सर्वोच्च अदालतले प्रतिनिधिसभा पुनर्स्थापनाको निर्णयपश्चात् विकसित राजनीतिक घटनाक्रमबारे छलफलका लागि नेकपा प्रचण्ड–नेपाल समूहले सो बैठक बोलाएको हो ।
दिउँसो चार बजे नयाँबानेश्वरस्थित संसद् भवनमा उपस्थितका लागि सबै सांसदलाई आह्वान गरिएको छ । प्रतिनिधिसभा विघटन गर्ने ओलीको निर्णयपछि नेकपा दुई समूहमा विभाजित भएको छ । एउटा समूहको नेतृत्व ओलीले गरेका छन् भने अर्को समूहको नेतृत्व प्रचण्ड र नेपालले गरेका छन् ।
मंगलबार प्रतिनिधिसभा विघटनलाई सर्वोच्चले बदर गरेसँगै बुधबार अध्यक्षद्वय दाहाल र नेपाल सभापति देउवा भेट्न बूढानीलकण्ठ पुगेका थिए ।
