मोरङ । ‘विप्लव’ समूहका मोरङ जिल्ला इञ्चार्ज डीबी सिलवाल भन्ने धनबहादुर विकलाई प्रहरीले हतियारसहित पक्राउ गरेको छ ।
मोरङका उद्योगी व्यवसायीहरुलाई धम्की दिई चन्दा असुली गरेको सूचना पाएर गएको मोरङ प्रहरीको टोलीले विकलाई मोरङको बूढीगङ्गा–४ बाट पक्राउ गरेको प्रहरीले जनाएको छ ।
विक सङ्खुवासभा मादी नपा–४ ओखरबोटेका उनी मंसिर २३ मा मोरङ मिक्लाजुङ्ग गाउँपालिका–१ बर्खे बस्ने शिक्षक राजेन्द्र श्रेष्ठको हत्यामा संलग्न रहेको अनुसन्धानबाट खुलेको प्रहरीले जनाएको छ ।
उनको साथबाट एक थान सेमी अटोमेटिक पेस्तोल र तीन थान गोलीसमेत बरामद गरिएको छ ।
