चैत १६, २०८०, शुक्रबार
               

निर्वाचनमा जान तयार छौँ : उपेन्द्र यादव

नेपाल फ्ल्यास
माघ ०८, २०७७

ADVERTISEMENT

सप्तरी । जनता समाजवादी पार्टी नेपालका अध्यक्ष उपेन्द्र यादवले अदालतले प्रतिनिधिसभा पुनःस्थापना नगरे पार्टी जनअदालतमा जाने बताएका छन् ।

प्रतिनिधिसभा विघटनविरुद्ध जसपाले सप्तरीको राजविराजमा बुधबार आयोजना गरेको विरोध सभालाई सम्बोधन गर्नेक्रममा यादवले संविधानमा भएको व्यवस्थानुसार सर्वोच्च अदालतले विघटनलाई खारेज गरी पुनःस्थापनाको फैसला गर्ने विश्वास व्यक्त गर्दै नभए निर्वाचनका लागि तयार रहेको स्पष्ट पारे ।

कोरोनाका कारण साढे ६ खर्ब रुपैयाँ नोक्सान बेहोरेको अर्थतन्त्रले चुनावका लागि थप २० अर्ब रुपैयाँ खर्च धान्न नसक्ने अवस्थामा निर्वाचनमा जाने निर्णय गलत भएको पूर्वउपप्रधानमन्त्री यादवले बताए । सो अवसरमा जसपाका नेता राजेन्द्र महतोले नेपाल–भारत सीमा अवरुद्ध गरेर मात्र कोरोना नरोकिने बताए ।

विरोधसभामा प्रदेश नं २ का मन्त्री नवलकिशोर साह र शैलेन्द्रप्रसाद साह तथा जसपाका नेता रेणु यादव र मनीष सुमनले कम्युनिष्ट र कांग्रेसको प्रलोभनमा नफस्न सबैमा आग्रह गरे । गाउँगाउँबाट नाराबाजी गर्दै आएको जुलुसले आमसभाअघि राजविराज नगर परिक्रमा गरेको थियो । 


कस्तो लाग्यो ?

यो पनि