चैत १६, २०८०, शुक्रबार
               

अब दिल्लीले सन्दीपसँगकाे सम्झौता नवीकरण नगर्ने

नेपाल फ्ल्यास
माघ ०७, २०७७

ADVERTISEMENT

इण्डियन प्रिमियर लिग (आईपीएल) टिम दिल्ली क्यापिटल्सले नेपाली क्रिकेटका ग्लोबल आइकन सन्दीप लामिछानेलाई रिलिज गरेको छ ।

दिल्लीले यस संस्करणको आइपिएलमा सन्दीपलाई कुनै पनि खेलमा मौका दिएको थिएन । दिल्लीले सन्दीपसँगै इंग्ल्यान्डका ओपनर जेसन रोय र भारतीय तीव्र गतिका बलर मोहित शर्मालाई टोलीबाट फकुवा गर्ने निर्णय गरेको छ ।

योसँगै सन्दीपलाई आगमी संस्करणको आइपिएल अन्य टोलीबाट खेल्ने बाटो खुलेको छ । सबै फ्रेन्चाइज टोलीले फुकुवा हुने र अनुबन्ध हुने खेलाडीको नाम आज औपचारिक रुपमा सार्वजनिक गर्दैछन् । आइपिएल अक्सन फेब्रुअरी दोस्रो साता हुने छ ।

दिल्लीले अष्ट्रेलिया अलराउन्डर मार्कस स्टोनिसलाई टोलीमै राख्ने भएको छ । तीव्र गतिका बलर ड्यानियल साम्सलाई रोयल च्यालेन्जर्स बेंगलोरलाई बेचेको छ । 

सन् २०१८ मा अक्सनबाट न्युनतम मूल्य २० लाख भारुमा सन्दीपलाई दिल्ली खरिद गरेको थियो । त्यसपछि दिल्लीले थप दुई वर्षको लागि सन्दीपलाई रिटेन गरेको थियो । सन्दीपले डेब्यु सिजन दिल्लीका लागि ३ खेलमा ५ विकेट लिएका थिए । यस्तै सन्दीपले दोस्रो वर्ष ६ खेल खेल्दै ९ विकेट लिन सफल भएका थिए ।

तर, सन्दीपले १३ औं संस्करणमा भने मैदान उत्रन पाएनन् । दिल्ली फाइनल पुगे पनि सन्दीप बेन्चमै सिमित भए । आईपीएल इतिहासमै पहिलो पटक फाइनल पुगेको दिल्ली उपाधि भिडन्तमा मुम्बई इन्डियन्ससँग ५ विकेटले पराजित भएको थियो ।


कस्तो लाग्यो ?

यो पनि