काठमाडौं । नेकपा प्रचण्ड-नेपाल समूहका अध्यक्ष माधवकुमार नेपालले प्रधानमन्त्री केपी ओलीको बारेमा खोज पत्रकारिता गर्न आग्रह गरेका छन् ।
काठमाडौंको प्रज्ञा प्रतिष्ठानमा आयोजित प्रेस संगठन नेपालको दोस्रो राष्ट्रिय भेलामा उनले ओलीको बारेमा खोज पत्रकारिता गर्न आग्रह गरेका हुन् ।
अध्यक्ष नेपालले भने, ‘तपाईंहरु खोजी पत्रकारिता गर्नुस् केपी ओलीको बारेमा । २०२८ सालदेखिको फेहरिस्त लेख्नुस् । जेलभित्रको कुरा लेख्न्स् । मदन भण्डारी महासचिव भएको बेलाको कुरा खोज्नुस् । मेरो, प्रचण्डको, वामदेव गौतमको हुर्मत लिएको कुरा लेख्नुस् ।’
नेकपा विभाजित भएपछि पार्टी समर्थित पत्रकारहरु पनि विभाजित भएका छन् । प्रचण्ड-नेपाल समूहले 'प्रेस संगठन'को नाममा भेला बोलाएको छ भने केपी ओली पक्षले 'प्रेस सेन्टर'को नाममा भेला बोलाएको छ ।
