गुल्मीमा जन्ती बोकेको जिप दुर्घटना भएको  छ। दुर्घटनामा बेहुलासहित १३ जना घाइते भएका छन् । कालीगण्डकी गाउँपालिका– २ अर्बेनी कोटदेखि बिहेका लागि स्याङ्जाको जैपते जाँदै गरेको ग १ ज ५०८६ नम्बरको जिप सोही वडामा दुर्घटना भएको हो ।

जिल्ला प्रहरी कार्यालय गुल्मीका प्रहरी नायव उपरीक्षक (डीएसपी) पुरुषोत्तमप्रसाद पाण्डेका अनुसार जिप सडकबाट अन्दाजी १८ मिटर तल खसेको छ । घटनामा जिपमा सवार १३ जना घाइते भएका छन् । घाइतेहरूको स्याङ्जास्थित मिर्मीमा उपचार भइरहेको डीएसपी पाण्डेले बताए ।