मकवानपुर । हेटौँडा उपमहानगरपालिका-५ स्थित कान्तिलोकपथ सडकखण्डमा सोमबार साँझ भएको सडक दुर्घटनामा एक जनाको मृत्यु भएको छ ।
जिल्ला प्रहरी कार्यालय मकवानपुरका अनुसार, दुर्घटनामा परी हेटौँडा–६ निवासी आशिष श्रेष्ठको मृत्यु भएको हो ।
प्रदेश ३–०३–००१ प ४०२० नं. को मोटरसाइकललाई चौघडाबाट हेटौँडातर्फ आउँदै गरेको ना ३ क ८३३३ नं. को टिपरले ठक्कर दिएको थियो ।
उक्त दुर्घटनामा हेटौँडाका निरज राई घाइते भएका छन् ।
घाइते राईको हेटौँडा अस्पतालमा उपचार भइरहेको मकवानपुर प्रहरीले जानकारी दिएको छ ।
