काठमाडौं । प्रमुख विपक्षी नेपाली कांग्रेसले केन्द्रीय कार्यसमितिको बैठक एक सातापछि सारेको छ ।
मुख्य सचिव कृष्णप्रसाद पौडेलका अनुसार पुस २७ का लागि तय गरिएको सो बैठक माघ ६ गतेका लागि सारिएको हो । कांग्रेसले संसद विघटनविरुद्ध आन्दोलनको घोषणा गरेको छ ।
शनिबार कांग्रेसले ३३० निर्वाचन क्षेत्रमा एकसाथ प्रदर्शन गर्ने कार्यक्रम छ । संसद विघटनसँगै विकसित राजनीति घटनाक्रमअनुरुप कांग्रेस सोही रणनीतिमा तल्लीन छ ।
