बलिउड अभिनेता सन्नी देओललाई कोरोना संक्रमण भएको छ ।
सामाजिक सञ्जालमार्फत उनले आफू कोरोना संक्रमित भएको जानकारी दिएका छन् ।
सन्नी पछिल्लो समय मनालीको दशाल गाउँमा रहेका छन् । उनी परिवार सहित केही अगाडि मनाली पुगेका थिए ।
उनी मनाली आउँदा पनि परिवारका सदस्यसहित उनको पनि कोरोना परीक्षण गरिएको थियो । सो समय सबैको रिपोट नेगेटिभ आएको थियो ।
उनका परिवार भने मनालीबाट फर्किसकेका छन् । उनी पनि भोलि फर्किने तरखरमा थिए । त्यसैले उनले कोरोना परीक्षण गराएका थिए ।
परीक्षणको क्रममा उनमा संक्रमण पुष्टि भएको हो । उनको स्वास्थ्य अवस्था भने समान्य रहेको भारतीय सञ्चारमाध्यमहरुले जनाएका छन् ।