मंसिर १७, २०७७, बुधबार
               

‘लक्ष्मी’ ले पाएको नकारात्मका टिप्पणीबारे अक्षयले मुख खोले

नेपाल फ्ल्यास
कात्तिक २९, २०७७

बलिउड अभिनेता अक्षय कुमारको फिल्म ‘लक्ष्मी’ डिज्नी प्लस हटस्टारमा नोभेम्बर ९ तारिखमा रिलिज भयो । फिल्ममा अक्षयका साथै कियारा आडवाणीको मुख्य भूमिका छ । यो फिल्मले मिश्रित प्रतिक्रिया पाइरहेको छ । फिल्मले पाएको प्रतिक्रियाबारे अक्षय कुमारले मुख खोलेका छन् । अक्षय कुमारले आफ्नो ध्यान दर्शकमाथि मात्रै केन्द्रित हुने बताउँदै धेरैजसो क्रिटिक्सले उनको फिल्म मन नपराउने कुरा आफूलाई थाहा भएको उनले बताए ।

मिड डेसँगको कुराकानीमा अक्षय कुमारले भने, ‘मलाई असाध्यै राम्रो महसुस भइरहेको छ । मलाई थाहा छ कि थुप्रै क्रिटिक्स मेरो फिल्मलाई रुचाउँदैनन् र म यो कुरा बुझ्छु तर मेरो ध्यान दर्शकमाथि केन्द्रित हुन्छ । मलाई कतिले ‘यो फिल्मले मेरो करियरको सबैभन्दा ठूलो ओपनिङ पाएको बताए ।’ तेस्रोलिङ्गीको भूमिका निभाउनु एलजिबिटिक्यू समुदायको अधिकारलाई बलियो बनाउनु हो । प्याडम्यान (सन् २०१८), टोयलेटः एक प्रेमकथा (सन् २०१२), मिशन मंगल (सन् २०१९) जस्ता फिल्म गर्नुको पछाडि पनि यही भावना थियो । म परिवर्तन ल्याउन चाहन्छु ।’

स्मरण रहोस्, डिज्नी प्लस हटस्टारका अनुसार लक्ष्मीले सबै फिल्मको भ्युअरसिप रेकर्ड तोडेको छ । रिलिज भएको केही घण्टामा नै यो भ्यूअरशिपको मामलामा बलिउडको ब्लकबस्टर साबित भएको छ । यो फिल्मले दिवंगत नायक सुशान्त सिंह राजपूतको फिल्म ‘दिल बेचारा’ को रेकर्ड पनि तोडिदिएको छ ।

यसबारे एक पत्रकार सम्मेलनमा अक्षय कुमारले भने, ‘लक्ष्मीलाई जसरी तपाईंहरुले प्रेम र प्रतिक्रिया दिनुभएको छ, त्यसका लागि म तपाईंहरु सबैप्रति आभारी छु । देश–दुनियाँका मानिसहरुले डिज्नी प्लस हटस्टारमा लगइन गरेर फिल्म हेर्नुभयो, त्यो पनि फिल्म रिलिज भएको केही घण्टामा, तपाईंहरु सबैलाई नमन । रेकर्ड तोड्न कसलाई मन पर्दैन होला ? चाहे त्यो बक्स अफिस होस् वा ओटीटी प्लेटफर्ममा फिल्मको ओपनिङ नाइट । यो भावनाको तुलना अन्य कुनै कुरासँग गर्नै सकिँदैन ।’


कस्तो लाग्यो ?

यो पनि