काठमाडौं । इण्डियन प्रिमियर लिग (आइपिएल) क्रिकेटको दोस्रो क्वालिफायरमा आज दिल्ली क्यापिटल्स र सनराइजर्स हैदरावाद भिड्दैछन् ।
आबुधावीस्थित शेख जायद रंगशालामा बेलुकी पौने ८ बजे खेल सुरु हुनेछ । पहिलो क्वालिफायरमा मुम्बई इण्डियन्ससँग पराजित भएपछि दिल्लीले दोस्रो क्वालिफायर खेल्ने मौका पाएको हो भने हैदरावाद इलिमिनेटरमा रोयल च्यालेन्जर्स बैंगलोरलाई हराउँदै क्वालिफायरमा पुगेको हो ।
फाइनलमा स्थान सुरक्षित गर्नका लागि आज दुवै टिम जितको खोजीमा हुनेछन् । आज जित्ने टोलीले फाइनलमा उपाधिका लागि साविक बिजेता मुम्बई इण्डियन्सको सामना गर्नेछ ।
लिग चरणका दुवै भेटमा दिल्लीलाई पराजित गरेकाले हैदरावाद उच्च मनोबनलसहित मैदान उत्रनेछ । प्रतियोगिताको फाइनल खेल मंगलबार हुनेछ ।
