काठमाडौं ।कर्णाली विद्रोहको विषयमा प्रधानमन्त्री निवासमा भएको छलफल सकिएको छ। आइतबार कर्णाली प्रदेशका मुख्यमन्त्री महेन्द्रबहादुर शाहीमाथि नेकपा संसदीय दलमा बुझाइएको अविश्वास प्रस्तावको विषयमा केन्द्रित सो छलफल सकिएको हो ।
छलफलमा प्रधानमन्त्री केपी शर्मा ओलीको सहभागितमा मुख्यमन्त्री शाही र विद्रोहमा सहभागी नेता सहभागी थिए ।
छलफलमा प्रधानमन्त्री केपी शर्मा ओलीले सहभागी भएकाहरुलाई तपाईंहरुको कुरा आफूले सुनेको र त्यसलाई हामी अध्यक्षद्वय बसेर छलफल गर्छौं र एउटा निष्कर्ष निकाल्ने बताए । यसका अलवा उनले अध्यक्षद्वयको निर्णय मान्न उनले छलफलमा सहभागीले बताएका छन् । त्यसैगरी, सहभागीहरुले प्रधानमन्त्रीसित पार्टी र सरकार राम्रो बनाउनुपर्नेमा जोड दिएका थिए । आजको छलफलमा अर्का अध्यक्ष प्रचण्ड भने अनुपस्थिति रहे ।
यसअघि कर्णाली मुख्यमन्त्री शाहीविरुद्ध आइतबार अविश्वास प्रस्ताव दर्ता भएपछि नेकपा अध्यक्षद्वय केपी ओली र पुष्पकमल दाहाल प्रचण्डले प्रक्रिया स्थगित गर्न र तुरुन्त काठमाडौं आउन दुवै पक्षलाई पत्र पठाएपछि उनीहरु काठमाडौं आएका थिए । प्रचण्डले यसअघि नै दुवै पक्षलाई भेटेर सो घटनाबारे जानकारी लिएका छन् ।