काठमाडौं । कोरोना महामारीबीच दसैँले छोपेको छ । पक्कै पनि धेरैका लागि अरू वर्षहरूझैँ सहज दसैँ बन्ने छैन । मानिसको जमघट कम हुने छ । वर्ष दिनमा एकपटक भेट हुने अवसर धेरैले गुमाउने निश्चित जस्तै छ ।
काठमाडौं उपत्यकामा पनि यसपटकको दसैँको माहौल खासै छैन । दसैँमा रित्तो हुने काठमाडौंमा नागरिक आयतनमा धेरै कमी नआए पनि रौनक पनि छाउने छैन । यसबीच पनि रीतिरिवाज र परम्परा धान्ने प्रयास जारी छ ।
दसैँमा दुर्गा भवानीको पूजाआजा गरिन्छ । नेपालीहरूको विशेष र मुख्य चाड दसैँले महिलामा असीम शक्ति छ र उनीहरू पूजनीय छन् भन्ने सन्देश पनि दिएको छ । यतिबेला कालिगडहरू तिनै दुर्गाभवानीको मूर्ति बनाउन व्यस्त छन् ।
ललितपुरको सानेपामा सजिँदै गरेका मूर्तिहरू :