चीनमा भएको सडक दुर्घटनामा कम्तीमा १८ जनाको मृत्यु भएको छ ।
उत्तरपूर्वी चीनको जिलिन प्रान्तस्थित फुयु सहरमा आज (आइतबार) दुर्घटना भएको हो ।
व्यस्त सडकमा दुईवटा ट्रक ठोक्किँदा आसपासका सवारी साधनमा रहेका मानिसहरुको मृत्यु भएको हो ।
सुरुमा एउटा सानो गाडी अर्को गाडीमा ठोक्किएर उछिट्टिएपछि ठूला ट्रक एक आपसमा ठोक्किएको बताइएको छ ।
त्यसपछि व्यस्त सडकमा गुडिरहेका थुप्रै सवारी साधनहरु ठोक्किएका थिए ।
दुर्घटनामा ८ जनाको घटनास्थलमै र १० जनाको उपचारका क्रममा मृत्यु भएको अधिकारीहरुले जनाएका छन् । घटनामा अन्य केही व्यक्ति घाइते भएका छन् ।
चीनको सार्वजनिक सुरक्षा मन्त्रालयले यस घटनाको छानबिनका लागि विशेष टोली गठन गरेर पठाएको छ ।
