काठमाडौं ।नेपाल आयल निगमले त्रिशुली नदीमा खसी आगो लागेको ट्यांकर दुर्घटना छानबिनका लागि नेपाल प्रहरीलाई पत्राचार गरेको छ ।

निगमले दुर्घटनास्थल धादिङको गजुरीको इलाका प्रहरी कार्यालयलाई छानबिनका लागि पत्राचार गरेको हो । दुर्घटनाबारे आशंका भएकाले छानबिनका लागि प्रहरीलाई पत्राचार गरिएको नेपाल आयल निगम थानकोट डिपोले जानकारी दिएको छ ।

दुर्घटना भएको ट्यांकरचालकको भूमिका पहिलेदेखि नै शंकास्पद भएकाले अनुसन्धान गर्न भनिएको सो डिपोले जानकारी दियो। 

असोज ४ गते भएको सो दुर्घटनामा २० हजार लिटर पेट्रोल बोकेको ट्यांकर त्रिशूली नदीमा खसी आगो लागेको थियो ।