काठमाडौं । पहिरोमा पुरिएर स्याङ्जामा एक जनाको मृत्यु भएको छ । बिहीबार राति तीन दिनदेखि निरन्तर परेको भारी वर्षाका कारण घर माथिबाट आएको पहिरोले पुरिएर एकको मृत्यु भएको प्रहरीले जनाएको छ ।
मृत्यु हुनेमा कालीगण्डकी गाउँपालिका- ४ बिर्घास्थित गौतमटोलका बाबुराम दमाइका १७ वर्षीय छोरा विष्णु परियार रहेको प्रहरीको भनाइ छ । घरमा सुतिरहेको समयमा राति घर माथिबाट खसेको पहिरोले उनी पुरिएर मृत्यु भएको हो ।