लकडाउनको समयमा घरमा नै थुनिएर बसेकी अभिनेत्री स्वस्तिमा खड्कालाई चलचित्रको अफर आउने क्रममा केही कमी भएको छैन । लकडाउनकै समयमा स्वस्तिमालाई आधा दर्जनभन्दा बढी चलचित्रबाट अफर आए ।
स्वस्तिमालाई सिक्किमका केही चलचित्रकर्मीहरूले पनि अफर गर्न भ्याए । सिक्किमका ३ वटा चलचित्रबाट स्वस्तिमालाई अफर आएको थियो ।
तर, स्वस्तिमाले एक चलचित्रमा मात्रै काम गर्ने पक्का गरेकी छिन् । बाकीं केही चलचित्र विचाराधिन अवस्थामा छन् भने केही चलचित्रमा उनी काम नगर्ने मनस्थितिमा छिन् ।
स्वस्तिमाले दीपेन्द्र के खनालको निर्देशनमा बन्न लागेको चलचित्र ‘चिसो मान्छे’मा काम गर्ने पक्का भएको छ । त्योसँगै स्वस्तिमाले एक छोटो चलचित्रमा पनि काम गर्ने सोच बनाएकी छिन् । एक सिक्किमको चलचित्रको आइडिया पनि स्वस्तिमालाई मन परेको छ । तर, त्यसमा काम गर्ने नगर्ने पक्का छैन ।
स्वस्तिमा आफूलाई आएका अन्य स्कृप्टहरु उत्साहजनक नभएको बताउँछिन् ।
