भारतको एउटा चर्चित एप्लिकेसन गुगलले प्ले स्टोरबाट हटाइदिएको छ ।
बिबिसीका अनुसार, पेटिएम एप गुगलले प्ले स्टोरबाट हटाइदिएको हो ।
गुगलले अनलाइन बाजीसम्बन्धी शर्तहरु उल्लंघन गरेको आरोप लगाएको छ । पेटिएम भारतको एक चर्चित एप हो ।
महिनामा झण्डै पाँच करोड सक्रिय प्रयोगकर्ता रहेको पेटिएम एपको दाबी छ । एपका अनुसार उसका कुल ३५ करोड प्रयोगकर्ता रहेका छन् ।
गुगलका सह अध्यक्ष सुजेन फ्रेले यो एपले गुगलका सुरक्षासम्बन्धी नीतिहरु उल्लंघन गरेको र ग्राहकहरुले असुरक्षित महसुस गरेकाले प्ले स्टोरबाट हटाइएको बताएका छन् ।
पेटिएमले आफ्नो आधिकारिक ट्विटर ह्यान्डलमा यसबारे जानकारी दिँदै नयाँ अपडेट गुगलमा उपलब्ध नभएको, प्रयोगकर्ताहरुको सबै पैसा सुरक्षित रहेको र छिट्टै गुगलमा उपलब्ध हुने उल्लेख गरेको छ ।
