सुर्खेत ।एक बालिकालाई सामूहिक बलात्कार अभियोगमा ३ जनालाई प्रहरीले पक्रेकाे छ ।
१४ वर्षीया बालिकालाई जबरजस्ती करणी गरेको अभियोगमा पंचपुरी नगरपालिका-४ बस्ने १७ वर्षीय, १५ वर्षीय र १५ वर्षीय ३ जना किशोरलाई बुधबार राति प्रहरीले पक्राउ गरेकाे हाे ।
पंचपुरी गरपालिका-९ बिध्यापुरस्थित बिध्यापुर स्वस्तिक कटेज नजिकको खोल्सामा ती बालिकालाई जबरजस्ती करणी गरेको भन्ने खबर प्राप्त हुनासाथ इलाका प्रहरी कार्यालय बाबियाचौर र प्रहरी चौकी बिध्यापुरबाट खटिएको प्रहरीले उनीहरुलाई पक्राउ गरेको हो ।
यसबारे जिल्ला प्रहरी कार्यालयले थप अनुसन्धान गरिरहेको जनाएकाे छ ।