काठमाडौं । पोखरा महानगरका दुई जना कर्मचारीमा कोरोना संक्रमण पुष्टि भएको छ ।
क्षयरोग उपचार केन्द्र पोखरामा गरिएको परीक्षणमा सोमबार दुई कर्मचारीमा कोरोना संक्रमण पुष्टि भएको हो ।
कोरोना पुष्टि हुनेमा एक पोखरा महानगरकै कर्मचारी र अर्का बागबानी केन्द्रका कर्मचारी हुन् ।
पोखरा महानगरपालिकाको २७ वडा कार्यालयमा कार्यरत ती कर्मचारीमा कोरोना पुष्टि भएसँगै सो वडा कार्यालय सिल गर्ने तयारी भइरहेको छ ।
कोरोना संक्रमण हुने कर्मचारी महानगरले चलाउने सेवा केन्द्रमा कार्यरत भएको बताइएको छ । संक्रमित ती मिहलालाको अवस्था सामान्य भएको बताइएको छ । साथै, उनलाई हाल आइसोलेसनमा लैजाने तयारी भइरहेको बताइएको छ ।
त्यसैगरी,बागमानी केन्द्रका ३७ वर्षीय एक पुरुष करिब २ हप्ताअघि काठमाडौं गएर फर्किएको पाइएको पोखरा महानगर स्वास्थ्य महाशाखाले जनाएको छ ।
उनी ललितपुरको एक गेस्ट हाउसमा बसेर बसी पोखरा फर्किएको बताइएको छ । यसका अलवा उनी काठमाडौंबाट पोखरा गएर घरमै बसैको स्वयं संक्रमितले बताए ।
