स्वास्थ्य मन्त्रालयका चार जना कर्मचारीमा कोरोना संक्रमण पुष्टि भएको छ ।
शुक्रबार स्वाब संकलन गरिएका ८४ जनामध्ये चार जना कर्मचारीलाई कोभिड १९ संक्रमण पुष्टि भएको हो ।
कोभिड १९ क्राइसिस म्यानेजमेन्ट समितिको टोलीले शुक्रबार स्वास्थ्य तथा जनसंख्या मन्त्रालयका ८४ कर्मचारीको स्वाब संकलन गरेको थियो ।
जसमध्ये चार जनामा कोरोना पुष्टि भएको स्वास्थ्य मन्त्रालयले जनाएको छ ।
हाल संक्रमित कर्मचारीको सम्पर्कमा आएका व्यक्तिहरुको खोजी कार्य सुरु गरिएको बताइएको छ ।
