गोरखा । गोरखाको पालुङटार नगरपालिका–४ का वडा अध्यक्ष ठाकुरकान्त रानाभाटलाई प्रहरीले पक्राउ गरेको छ ।
रानाभाटलाई बलत्कार आरोपमा सोमबार साँझ निवासबाट प्रहरीले पक्राउ गरेको हो ।
१४ वर्षीया बालिकालाई बलत्कार गरेको आरोपमा उजुरी परेपछि रानाभाट पक्राउ परेको जिल्ला प्रहरी कार्यालय गोरखाका एसपी सुरेन्द्र गुरुङले जानकारी दिए ।
गुरुङका अनुसार पीडित बालिका र बालिकको आमाले दिएको उजुरीको आधारमा रानाभाटलाई पक्राउ गरिएको हो । रानाभाटलाई हिरासतमा राखेर घटनाबारे थप अनुसन्धान भइरहेको एसपी गुरुङले बताए ।
रानाभाट तत्कालिन नयाँ शक्ति (हाल जनता समाजवादी पार्टी) बाट वडा अध्यक्षमा निर्वाचित भएका थिए ।
अनुसन्धानको क्रममा हिरासतमा रहेका रानाभाटलई 'तत्कालका लागि पार्टीको सम्पूर्ण जिम्मेवारीबाट निलम्बन गरिएको' (उनको पार्टी) जनता समाजवादी पार्टी, पालुङटार नगर कमिटीले जनाएको छ ।