काठमाडौं । लकडाउन खुलेपछि कोरोना संक्रमितको संख्या वृद्धि भएको स्वास्थ्य तथा जनसंख्या मन्त्रालयले जनाएकाे छ ।
शनिबारकाे नियमित प्रेस ब्रिफिङकाे क्रममा लकडाउन खुल्नुअघिको ११ दिन र लकडाउन खुलेपछिको ११ दिनको तुलना गर्दा संक्रमितको संख्यामा शून्य दशमलव ८ प्रतिशतले वृद्धि भएकाे मन्त्रालयले जनाएकाे छ ।
लकडाउन खुल्नुअघिको ११ दिनमा ४७ हजार ८७७ जनाकाे पीसीआर परीक्षणमा एक हजार ३४५ जनामा संक्रमण देखिएको थियो । यो भनेको २.८ प्रतिशत हो ।
त्यस्तै लकडाउन खुलेको ११ दिनसम्म ५८ हजार १७४ जनाकाे पीसीआर परीक्षणमा २ हजार ९२ जनामा संक्रमण देखिएकाे छ ।यो सँख्या ३.६ प्रतिशत हो ।
संक्रमण दर हेर्दा शून्य दशमलव ८ प्रतिशतले बढकाे स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले बताए ।