चैत १५, २०८०, बिहीबार
               

गाईजात्रासँग सम्बन्धित अन्य पर्व रोक्न अनुरोध

रासस
साउन ११, २०७७

ADVERTISEMENT

काठमाडौं । गोदावरी नगरपालिकाले यही साउन २० गते श्रावण प्रतिपदाका दिन मनाइने गाईजात्रासँग सम्बन्धित अन्य पर्व पूर्णरुपमा स्थगन गर्न (रोक्न) अनुरोध गरेको छ ।

विश्वव्यापी रुपमा फैलिरहेको कोरोना महामारीले संक्रमितको सङ्ख्या दिनानुदिन बढ्दै गइरहेको अवस्थालाई ध्यानमा राखेर नगरवासीको सुरक्षाका लागि नगरपालिकाले उक्त अनुरोध गरेको हो । 

गोदावरीभित्र गाईजात्रा पर्वमा मनाइने मत्या, रोपाइँ, लाखे, कृष्ण र जुग (भगवान) जात्रा सञ्चालन नगर्न आग्रह गरिएको नगरपालिकाका प्रमुख गजेन्द्र महर्जनले बताए ।

उनले भने,‘दिवङ्गत आत्माको शान्त्तिका लागि भीडभाडजन्य कार्य नगरी  सरोकारवालालाई मात्र गाईजात्रामा समावेश हुन अपिल गर्दछौँ।’ 

यस वर्ष सामाजिक दूरी कायम गरी सांस्कृतिक परम्परालाई मात्र सञ्चालन गर्न प्रमुख महर्जनले नगरवासीसमक्ष अपिल गरेका छन् ।

राष्ट्रिय समाचार समिति (रासस) सरकारी स्वामित्वको समाचार एजेन्सी हो ।

कस्तो लाग्यो ?

यो पनि