कैलाली । सुदूरपश्चिम प्रदेशमा कोरोना संक्रमितको संख्या ३ हजार ७१७ पुगेको छ ।
बुधबार ६७ संक्रमित थपिएसँगै संक्रमितको संख्या ३ हजार ७१७ पुगेको हो ।
पछिल्लो समय सुदूरपश्चिममा संक्रमितको संख्या तीव्र गतिमा बढिरहेको छ ।
हालसम्म ९९३ जना कोरोना मुक्त भएका छन् ।
संक्रमितमा ८५५ महिला र २ हजार ८६२ पुरुष रहेको सामाजिक विकास मन्त्रालयले जनाएको छ ।
प्रदेशमा हालसम्म ७ जनाको कोरोना संक्रमणका कारण ज्यान गएको छ ।
संक्रमितमध्ये कैलालीका मात्रै ९८६ जना छन् ।
यस्तै अछामका ५८७, बैतडीका २९७ , बझाङका १४३, बाजुराका ४४४, डडेल्धुराका २६९, दार्चुलाका १८, डोटीका ५३३ र कञ्चनपुरका ४४० जनामा कोरोना संक्रमण पुष्टि भएको छ ।
५ हजार २९९ जना क्वारेन्टाइनमौ रहेको मन्त्रालयले जनाएको छ ।
